逆齡的秘密
瞓得好。 瞓落床大約15mins 就瞓著，唔會係淺眠區徘徊太耐。如果瞓得唔太好，可以留意，最近身體定係腦袋太攰，overload 咗而唔察覺。 基本上，我每日都會瞓8個鐘。以前唔使開OT，我都一定會瞓8個鐘或以上。
食得飽，要有飽滿感覺。 唔一定大魚大肉，但食完要有滿足感，就算食麥皮或沙律都會有覺得夠飽滿嘅感覺。
注意飲水適量。 唔使限定自己每日飲幾多杯，身體會自然話你知道。 但如果工作太忙太緊張，會忘記要飲水，咁...... 放一個小水壺 (1公升左右) 係工作枱上，觀察自己每日飲到幾多水，再評估一下自己真實要飲幾多。
定時定候 氹吓自己。 做啲氹自己開心嘅小事，例如: 我會護理面部皮膚 (護理係因為想皮膚感到舒服，而唔係因為怕老而去護理，出發點由驚恐 -> 想舒服D，我都試過...... 出發點唔同，效果會非常不一樣。)、吃美食、同我最愛嘅大雄 & Tommy 玩玩、瞓晏覺、聽音樂、睇戲、游水、發呆...... 滾雪球形式咁落去～～～
講 & 做 貼近自己心意嘅事。 問問自己，講 & 做每件事嘅出發點，大部份都是有為而為，要對得住自己，貼近自己心意，為目標努力。
學新嘢。 學新嘢都幾緊要。有助走出舊有模式、comfort zone & 認識自己多啲。
曬太陽。 曬個太陽，唔一定要去海灘，落樓下公園 或者 去海旁，舒服咁行吓，令身體吸收多啲陽光。
做運動 拉筋，跑步，做gym，行山，游水，跳舞...... 等等，令積存係身體嘅energy 有機會向外伸展 & 流動。 * 原理 : 平時係同一位置坐／企定得太耐可以郁吓，若行行走走得太多可以靜吓，尋回身心平衡。
< 又一篇寫咗好耐嘅文章，終於有時間post，希望小 tips 對大家都有用 :>
（01Oct2017)
תגובות