放鬆手部動作

覺得手緊嘅朋友，可以一齊跟住做~~ （28June2016） 今次介紹放鬆手部嘅動作，特別係office 用得mouse 多，或者經常用手機 打字/打機嘅朋友。 可以做多啲呢個動作，幫助手腕 & 膊頭放鬆～ ～ ～ 我最近沈迷玩 Tsum Tsum, 得閒都會做呢個動作，去放鬆對手㗎！

1. 手背對手背 2. 左手係右手上面 3. 手心對手心 4. 十指緊扣，捉實拳頭 5. 吸氣，拳頭向心口方向卷入 6. 呼氣，將手向外推出 7. 手踭伸直，停留5-8個呼吸

* 注意，呢個時候，內手踭已經指向天花板。 如果手伸直唔到，嘗試放鬆膊頭，慢慢 慢慢 慢慢 （所以真係好慢嘅）慢慢用力將手向外推出。唔好心急強行拉直，要慢呼慢吸，令肌肉有充分氧氣，再去拉鬆。 伸直咗，至跟住做以下動作.... 伸唔直嘅，睇返樓上嘅指示。

8. 將手向上推，拳頭指向天花板 9. 膊頭放鬆，身坐直 10. 感受雞翼位開始放鬆，停留8-10個呼吸 順序放手step 05. 拳頭 由指向天花 拉落回指向前 04. 吸氣，拳頭向心口方向卷入 03. 呼氣，拳頭向外卷出，手踭伸直 02. 慢慢解開雙手 01. 輕輕轉手腕

**做完左手係上面， 要做右手係上面，再重複以上步驟

#雅詠瑜伽